БИШКЕК, 11-август. — Eurasia Today. Жалал-Абад шаарынын Тайгараев аймактык башкаруусунда 1,5 гектар жер аянтына жаңы асфальт-бетон чыгаруучу завод курулуп жатат.

Учурда заводдун орду даярдалып, жабдыктары алынып келинди. Адистердин белгилөөсүндө жакынкы күндөрү заводду куруу жумуштары жүргүзүлүп, ушул жылдын сентябрь айында ишке киргизилет. Бул тууралуу Жалал-Абад шаардык мэриясынын Маалымат борбору билдирди.

Асфальт-бетон заводунун жанына атайын таш талкалоочу (дробилка) жабдык да орнотулат.

Завод республикалык бюджеттен Жалал-Абад шаарын өнүктүрүүгө бөлүнгөн 2 млрд. сомдун эсебинен каржыланууда. Ага 53 млн. 700 миң сом акча каражаты бөлүнгөн. Ал ишке кирсе, 20дай адам жумуш менен камсыз болот.

Белгилей кетсек, Жалал-Абад шаардык мэриясынын Жол башкармалыгынын асфальт-бетон заводунун эскилиги жетип, жолдорго асфальт төшөө, тротуар куруу жана жамап-жасоо иштеринде бир топ түйшүк жаралып келген.

• 
• 
•